بوست مهم جدا ....طاقة ايجابية ازاى تكمل وتبدع فى المجال الى بتحبة ....

البوست ده مهم جدا لازم تقرأوه
للدكتور طارق رفاعي .
.............................................................................

حاسس إنك تايه ؟
اقرأ الكام سطر دول..
.
- الشعور بالتوهان فى شغلك.. إنك ماتعرفش ماشى صح ولا غلط...المجال بتاعك كويس ولا تغيره..
السنين بتمر والمرتب لسه ضعيف... كل مايزيد شويه تيجى موجات غلاء تزيد العناء اكتر...
مش عارف تستقر فى بلدك مع أهلك ولا تسافر ..ولو عاوز تسافر فمش لاقى فرصه...ولو هتستقر فالشركات حالها فى معظمها تعبان..
بتفكر لو كنت فى حكومه أحسن ولا قطاع خاص...بتفكر تسيب الحكومه وتروح قطاع خاص لضعف المرتب ...
بتفكر تفتح مشروع وتسيبك من الوظيفه وترجع تقول مافيش فلوس أبدأ بيها أو حال البلد مش مستقر...
اكمل دراسات عليا ولا خلاص كبرت ولو كملت لزمتها ايه وأنا شايف اللى واخدنها ماعملوش بيها حاجه ..
شايف السنين بتمر وماعملتش أى حاجه ...بتشتغل علشان تعيش بس وتحاول تكفى نفسك واسرتك !؟
....الخ من الأفكار اللى أنا متأكد إنها دارت فى عقل كل شاب تفكيره طبيعى منطقى..
الشباب بالفعل مطحون ونلاقى ناس يقلك جيل متدلع ومش بتاع مسؤوليه !!
.
طب اللى فى الحالة دى ومر عليه سنوات وماعملش حاجه... يعمل إيه !!
.
١- أولا استعن الله ولا تعجز ..واعمل اللى عليك وخلى النتائج على ربنا سبحانه وتعالى ..
-
٢- أنت محتاج تستريح ذهنيا شويه...وتقضى على فوضى الأفكار اللى فى دماغك .. وتحدد أنت ناوى تكمل فى أنهى إتجاه !
هات ورقه وقلم...واكتب ايه المسارات اللى ممكن تمشى فيها...ايوه لازم تكتب...حدد كل المسارات اللر هتيجى فى دماغك حتى لو فرصهم قليله...سواء المسار ده إنك تكمل بنفس حالك دلوقتي وانت قادر تتعايش.. أو مسار إنك عاوز تسافر ودى اصبحت ضرورة ملحه... أو مسار إنك لازم تغير مجال شغلك لان فرصه قليله ومستقبله مجهول...الخ من المسارات اللى هتيجى فى دماغك...اكتب كل حاجه تيجى فى دماغك فى صورة مخطط ..شخبط...طلع الفوضى اللى فى دماغك على الورق...ماتتريقش على نفسك من جواك...حتى لو اللى هتكتبه بتتمناه وصعب الحدوث....لازم تكتب...
.
٣- لو إنت من النوع اللى بتحب تتناقش مع حد...خلى حد يشاركك فى الجلسه دى....زوجتك...صاحبك...المهم اختار حد يكون يحبك ويتمنى ليك الخير ومالوش غرض فى نصيحتك..
.
٤- بعد الشخبطه دى أبدا طلع كل مسار منهم فى صفحه فاضيه ..وخلى عنونها هو عنوان المسار ...مثلا العنوان لازم أسافر...عاوز اعمل ماجيستير...لازم اغير المجال...الخ حتى لو هتكتب ٢٠ صفحه...
.
٥- فى كل صفحه... أبدا حط نسبه مئويه لرغبتك فى تحقيق الحاجه دى ...يعنى دى أنا عاوزها بنسبه ٤٠٪ ...ودى بنسبة ٩٠ ٪..ودى بنسبة ١٠٠ ٪.
.
٦- هات أول أعلى خمس أفكار فى دماغك ودول اللى انت هتشتغل على تحقيقهم خلال سنه او اتنين ..وتجاهل تماما باقى الحاجات دلوقتي... إنت دلوقتي حددت بشكل واضح أنت عاوز إيه !
.
٧- فى كل فكره من ال ٥ اللى فاتو أبدا جمع معلومات عن ناس تقدر تفيدك وتساعدك فى تحقيقها ...حتى لو هتضطر