السلام عليكم ورحمة الله  وبركاتة

كيف تصبح محاسب ناجح ؟

الشباب بيتخرجوا من الجامعه وغالبا وبنسبة كبيرة جدا بيتخرج ومبيعرفش اى حاجة من الى درسة فى الجامعه حتى ولو باقل معلومة وهى يعنى اية مدين ودائن .... ودى اول حاجة بتكون اتعلمتها فى الجامعه

   

انا واحد من الناس بالتجربة دى .... وكان الواحد كل تفكيرة فى فترة الكلية انك تخلص وتعدى عشان تخلص جمعتك وتشوف شغل وكنت مفكر انك هتلاقى شغل فى اكبر الشركات وكان الواحد بيرسم احلام وردية كتيرة جدا فى الموضوع دة لحاد اللحظة الحاسمة وهى انك اتخرجت واستلمت الشهادة وهتبدا مشوارك الوظيفى ومشوارك المهنى انك تبدا تدور على شغل فى مجالك ....وفى لحظة انك استلمت الشهادة  الناس فى هنا بتتنقسم لفرق كل واحد حسب ما هو مخطط مشوار حياتة... ومن الانواع دى

   

ان فى نوع من الناس دخل جمعتة او كلية تجارة عشان التنسيق هو الى دخلة كلية تجارة ودة مبيكونش فارق معاة اوووى اهى اى كلية والسلام .... ودة النوع دة كتير جدا

النوع التانى ...دة داخل كلية تجارة ومش مقتنع بيها بس بيقولك هى الكلية الوحيدة الى هقدر اشتغل بيها فى اى مكان 

النوع الثالث.... دة هى النوع الامييز وهو الى بيكون هو محدد عايز اية ورايح فين وبيفكر فى اية وبيكون داخل راسم لنفسة هدف وعايز يحقق تارجيت ....ودة هو الى فى الاخر هيكون محاسب ممتاز بمعنى الكلمة.

نرجع تانى لمرجعنا....وهو منين هتبدا مشوارك لو انت حابب انك تكون محاسب محترم ومحاسب تقيل كمان ...وتقدر تدخل اى شركة وانت حاطط رجل على رجل.

الخطوة الاولى

انك فى مشوار حياتك او فى بداية شغلك كمحاسب متبصش على المقابل المادى فى البداية على قد ما تفكر ازاى تبدا خطوة بخطوة .

هتقولى ازاى ....هقولك انا فى البداية الى بيتخرج وعايز يكتسب خبرة مبيدورش على فلوس ازاى انك وفى الغالب اول حاجة هتفكر فيها انك تشتغل فى مكتب محاسبة عشان دة هيكون بداية مشوارك ....معظم مكاتب المحاسبة مبتديش فلوس خالص بتعتبرك لسة ابيض ياورد ولسة هتتعلم فبانسبالة انت المستفيد مش هو فبيكون المقابل المادى مش كبير خالص ممكن يكون مبلغ رمزى ....انت متبصش خالص للنقطة دة قد ما انت تفكر انك توصل وتوصل للمعلومة ...فى مكاتب هيكون شغلها اجرااءت وهيبدا ينزلك مشويير الضرائب والتامينات وهتتعب وتقول انا كدة مبتعلمش بالعكس انت هتحتاج لكل دة عشان معظم الحاجات دى هتكون فى صميم عملك ..... شوية شوية هتتعلم ....مش معنى كدة انك تقضى وقتك كلة فى المشاوير لا اكيد مش معظم الوقت هتكون بره ....استثمر الوقت الى انت فيىة فى المكتب وحاول تعلم نفسك بنفسك ازاى عشان تتعلم صح ممكن لو ملكش مكتب او مكان فى مكتبك انك تقعد بجانب احد المحاسبين الكبيرة فى المكتب وتبدا تشوف هو بيعمل اية واتعلم منة واسالة لو انت ليك كلام معاه .

تانى حاجة ابدا دور واتعلم محاسبة مالية عشان دى هى اساسا شغل المكاتب مبنى عليها .

ابدا شوف كرسات على النت للمحاسبة وتابع ودور اقرا فى كتب الجامعه ..

ابدا خد كرسات محاسبة وقوى نفسك فى الانجلش كويس ......

باقى الخطوات المهمة والاهم هتكون فى البوست الى جااااى ان شاء الله ......... استنونى اشوفكم على خير